İyunun 18-də Ermənistanın baş naziri Nikol Paşinyan ilə Türkiyə prezidenti Rəcəb Tayyib Ərdoğan arasında telefon danışığı olub. Bu barədə ER hökuməti məlumat yayıb.
Baş nazir Türkiyə prezidentini Qurban bayramı münasibətilə, Türkiyə prezidenti isə Ermənistanın baş nazirini qarşıdan gələn Vardavar münasibətilə təbrik edib.
Prezident Ərdoğan baş nazir Paşinyana Ermənistanın şimal bölgələrində baş verən son daşqınla bağlı başsağlığı verib. Liderlər Ermənistan və Türkiyə arasındakı münasibətlərin heç bir ilkin şərt olmadan tam nizamlanması üçün siyasi iradələrini vurğuladılar.
Onlar həmçinin regionda baş verən son hadisələri və beynəlxalq gündəmi müzakirə ediblər.
