İyunun 12-nə keçən gecə Rusiya aviasiyasının Ukrayna ərazisinə hücumu ilə əlaqədar Polşa hərbçiləri və müttəfiqləri təyyarələri səmaya qaldırıb. Bu barədə Polşa Silahlı Qüvvələrinin operativ komandanlığı bildirib.
“Gecə biz Ukraynanın qərbindəki obyektlərə raketlər və “Şahed” tipli pilotsuz təyyarələrlə hücum edən Rusiya uzaqmənzilli aviasiyasının fəaliyyətini izlədik”, - Polşa Silahlı Qüvvələrinin operativ komandanlığının bəyanatında deyilir.
Onların sözlərinə görə, sonuncu dəfə Rusiya aviasiyasının Ukraynanın qərb bölgəsində belə fəaliyyəti iyunun 6-7-də qeydə alınıb.
