Demokratik prinsiplərə güclü sadiqlik tərəfdaşlığımızın əsasını təşkil edir. Bütün dünyada, o cümlədən regionumuzda demokratiyanın təhdid altında olmasına baxmayaraq, təhlükəsizlik çağırışlarına və yaranan hibrid təhdidlərə baxmayaraq, Ermənistan hökuməti öz xalqının etdiyi demokratik seçimlərə əməl etmək, müvafiq dövlət institutlarını gücləndirmək əzmindədir.
Bu barədə ER xarici işlər naziri Ararat Mirzoyan ER-ABŞ strateji dialoqunun yekun sessiyası zamanı bildirib.
“Əminəm ki, bizim həmfikir tərəfdaşlarımız, xüsusən də Birləşmiş Ştatlar demokratiyanın nəticə verə biləcəyini sübut etmək üçün bizi tam dəstəkləyir və yanımızdadırlar”.
