Birləşmiş Ştatlar iyulun 9-11-də Vaşinqtonda keçiriləcək NATO-nun sammitindən əvvəl NATO-nun baş katibi vəzifəsinə namizədliyi ilə bağlı konsensusun əldə olunacağını gözləyir. Bu barədə ABŞ-ın təşkilatdakı daimi nümayəndəsi Culiana Smit NATO xarici işlər nazirləri ilə qeyri-rəsmi görüşdən əvvəl bildirib.
Onun sözlərinə görə, müttəfiqlər Hollandiyanın səlahiyyət müddəti başa çatan baş naziri Mark Rutte və Rumıniya prezidenti Klaus İohannisin namizədliyi ilə bağlı “müzakirələri davam etdirirlər”.
"Bildiyiniz kimi, Rutte böyük dəstək alır, lakin bütün müttəfiqlər onun namizədliyini dəstəkləməyə hazır deyillər, ona görə də biz bu məsələ ilə bağlı müzakirələrin aparılmasını gözləyirik", - Smit əlavə edib.
NATO-nun baş katibi üçün rəsmi seçkilər yoxdur, alyansın rəhbəri bütün üzv dövlətlərin konsensusu əsasında təyin olunur.
