Ermənistanın XİN başçısı Ararat Mirzoyan Qazaxıstan Respublikasına səfəri çərçivəsində ölkənin baş nazirinin müavini, xarici işlər naziri Murat Nurtleu ilə görüşüb.
Görüş zamanı tərəflər Ermənistan və Qazaxıstan arasında yüksək səviyyəli siyasi dialoqun inkişaf dinamikasını məmnunluqla qeyd ediblər. Qazaxıstan prezidentinin apreldə Yerevana səfəri zamanı aparılan müzakirələrə toxunulub, ikitərəfli gündəm məsələləri müzakirə olunub.
İki ölkənin XİN başçıları regional məsələlər ətrafında da fikir mübadiləsi aparıblar.
Qazaxıstan platformasında, xüsusilə Almatı şəhərində keçiriləcək Ermənistan və Azərbaycan xarici işlər nazirlərinin görüşünün simvolik xarakter daşıdığı vurğulanıb. Regional iqtisadi və nəqliyyat əlaqələrinin inkişafı məsələləri də müzakirə edilib.
