Aprelin 29-30-da ER Silahlı Qüvvələrinin Baş Qərargah rəisinin müavini polkovnik Artur Yeroyanın rəhbərlik etdiyi nümayəndə heyəti NATO-nun mənzil-qərargahında ER Müdafiə Nazirliyinin və NATO-nun Müdafiə Təhsilinin İnkişafı Proqramının illik müzakirələrində iştirak edib. Bu barədə Ermənistan Müdafiə Nazirliyi məlumat yayıb.
Görüşdə proqram çərçivəsində ER hərbi təhsil müəssisələrinə və təlim mərkəzlərinə göstərilən dəstəyin nəticələri müzakirə edilib, əməkdaşlığın yeni istiqamətləri müəyyən edilib.
Tərəflər 2024-cü il üçün əməkdaşlıq proqramını razılaşdırıb və 2025-ci il üçün əməkdaşlıq perspektivlərini müəyyən ediblər.
Görüş çərçivəsində Artur Yeroyan NATO-nun Beynəlxalq Hərbi Qərargahının Təhlükəsizlik üzrə Əməkdaşlığın direktoru general-leytenant Daçan Tiberiu Şerban ilə də təkbətək söhbət edib.
ER-NATO hərbi əməkdaşlığının cari proqramları və onların genişləndirilməsi imkanları müzakirə edilib.
