Rusiya Müdafiə Nazirliyi Ukrayna qüvvələrinin gecə saatlarında Federasiya ərazisinə hücum etdiyini bildirib. Səkkiz rayonun səmasında 50 pilotsuz uçuş aparatı məhv edilib.
Belqorod, Bryansk, Kursk, Tula, Smolensk, Ryazan, Kaluqa və Moskva vilayətləri hədəfə alınıb. Belqorod vilayətində yaşayış binasına ziyan dəyib, iki mülki şəxs həlak olub. Kütləvi informasiya vasitələri bəzi rayonlarda enerji obyektlərinin zədələndiyini yazır.
Kiyev də Rusiyanın zərbələri barədə məlumat verir. Ukrayna tərəfinin məlumatına görə, Zaporojyanın sənaye infrastrukturuna ziyan dəyib, Odessada partlayış səsləri eşidilib.
