Aprelin 12-də ER Təhlükəsizlik Şurasının katibi Armen Qriqoryan Vilnüsdə Litvanın xarici işlər naziri Qabrielius Landsberqis ilə görüşüb.
Armen Qriqoryan ER xarici siyasətinin müxtəlif istiqamətləri və cari prioritetlərini ətraflı təqdim edib. O, Cənubi Qafqazda təhlükəsizlik vəziyyəti, mövcud çağırışlar və onların aradan qaldırılması üçün erməni tərəfinin səylərinə toxunub.
Görüş zamanı tərəflər aprelin 5-də keçirilmiş ER-ABŞ-Aİ görüşünün nəticələrini müzakirə ediblər.
Tərəflər Ermənistan-Litva gündəmindəki münasibətlərinə toxunaraq, ikitərəfli əməkdaşlığın genişləndirilməsinin zəruriliyini qeyd ediblər.
