Ermənistan Milli Elmlər Akademiyasında üç gün davam edən konfransda 20-yə yaxın ölkədən elmlər doktorları, professorlar, ekspertlər, ermənioloqlar, universitetlərin, elmi mərkəzlərin və şöbələrin alimləri iştirak ediblər.
Beynəlxalq konfransın məqsədi Ermənistanın qonşu dövlətlər və xalqlarla münasibətlərini, erməni dövlətçiliyinin regionda oynadığı rolu müzakirə etməkdir. “Ermənistan sivilizasiyanın kəsişməsi kimi: tarixi və mədəni əlaqələr” adlı konfransda Lemkin adına Soyqırımların Qarşısının Alınması İnstitutunun icraçı direktoru Eliza fon Yoden Forc da çıxış edib. O, soyqırımların qarşısının alınması və bu məsələdə Ermənistanın roluna toxunub.
