Azərbaycan XİN-in mətbuat katibi apreldə gözlənilən ABŞ-Aİ-Ermənistan üçtərəfli görüşünə toxunub. Ayxan Hacızadə Vaşinqton və Brüsseli açıq-aşkar “ermənipərəst” mövqelərinə görə günahlandırıb.
“Aİ və ABŞ sabitliyi pozan hər hansı mümkün hərəkətə görə məsuliyyəti bölüşəcəklər”,- deyə o bildirib.
“Beynəlxalq hüququn əsas norma və prinsipləri əsasında davamlı sülhə, sabitliyə və təhlükəsizliyə nail olmaq üçün unikal imkan yarandığı bir zamanda, biz bir daha bütün tərəfləri sülh səylərinə əks təsir göstərən və regionda yeni eskalasiya və gərginlik dalğalarına səbəb ola biləcək addımlardan çəkinməyə çağırırıq”, - o qeyd edib.
