Rusiyanın Ukraynadakı müharibəsi ayıq bir xatırlatmadır ki, sülhə dəyər verə bilməliyik. Bunu NATO-nun baş katibi Yens Stoltenberq Ermənistanın baş naziri Nikol Paşinyanla birgə mətbuat konfransında deyib.
“Mən sizin Ukrayna ilə həmrəyliyinizi alqışlayıram və bütün tərəfdaşları Putinin müharibədə qalib gəlməsinin qarşısını almaq üçün əllərindən gələni etməyə çağırıram. Döyüş meydanında vəziyyət kritik olaraq qalır, ona görə də dəstəyimizi azaltmaq yox, artırmaq lazımdır.
Əgər Putin Ukraynada uğur qazanarsa, onun aqressiyasının bununla da dayanmayacağı və digər avtoritar qurumların bundan ruhlanacağı kimi real risk var”, - deyə o bildirib.
