Bazar ertəsi NATO-nun Brüsseldəki mənzil-qərargahında ölkənin Şimali Atlantika Alyansına üzv olması şərəfinə İsveçin dövlət bayrağı qaldırılıb.
Bayraq qaldırma mərasimi NATO-nun baş katibi Yens Stoltenberq, İsveçin baş naziri Ulf Kristerson və İsveçin vəliəhd şahzadəsi Viktoriyanın iştirakı ilə baş tutub.
NATO-nun baş katibi bəyan edib ki, alyans İsveçdə nüvə silahı yerləşdirməyi planlaşdırmır və həmin ölkənin baş naziri bəyan edib ki, İsveç öz ərazisində dinc şəraitdə nüvə silahına və ya NATO hərbi bazalarına ehtiyac görmür.
İsveçin dövlət himninin sədaları altında NATO qoşunlarının nümayəndələri həmin ölkənin bayrağını qaldırıblar və mərasimin sonunda alyansın himni səsləndirilib.
