Yunanıstanın Milli Müdafiə naziri Nikos Dendias “Naftemporiki” qəzetinə verdiyi müsahibədə PUA və anti-dron sistemləri sahəsində texnoloji inkişafın müasir müharibələrin aparılması üsulunu dəyişdiyini bildirib.
"Ermənistana son səfərim zamanı mən onların müasir döyüşlərdə istifadə edilməsi barədə ətraflı məlumat aldım", - Yunanıstan naziri vurğulayıb.
O qeyd edib ki, Ermənistan Silahlı Qüvvələri pilotsuz uçuş aparatlarından istifadə etməklə kütləvi hücumlara məruz qalıb.
“Bu səbəbdən biz Dağlıq Qarabağ münaqişəsindən əldə edilmiş dərsləri nəzərə alaraq ikitərəfli müdafiə sahəsində əməkdaşlıq sazişləri çərçivəsində Ermənistanla əməkdaşlıq edəcəyik”, - Dendias qeyd edib.
