Baş nazir Nikol Paşinyan Misir Ticarət və Sənaye Palataları Federasiyasında olub, yerli iş adamları ilə görüşüb.
Federasiyanın prezidenti Əhməd Əl-Vakili ER Baş nazirinin səfərini alqışlayıb və iki ölkə arasında ticari-iqtisadi əlaqələrin inkişafı və genişləndirilməsinin vacibliyini vurğuladı. O vurğulayıb ki, Misir tərəfi investisiya proqramlarının həyata keçirilməsi və əməkdaşlığın dərinləşdirilməsi imkanlarının müzakirəsində maraqlıdır.
Baş nazir Nikol Paşinyan çıxışında qeyd edib ki, Ermənistanın bir nömrəli iqtisadi xarakteristikası yüksək iqtisadi artımdır.
Onun sözlərinə görə, son 6 ildə Ermənistanın dövlət büdcəsinin vergi daxilolmaları təxminən 92 % artıb, yəni, demək olar ki, iki dəfə artıb.
“İnvestorlar üçün maraq dairəsi dövlət kapital proqramları və ümumilikdə dövlət investisiya sektoru ola bilər. Ermənistan hökuməti hazırda müxtəlif sektorlara təxminən 1 milyard dollar kapital investisiyalar edir
Potensial investorları, o cümlədən satınalmada iştirak edənləri dəstəkləmək planlarımız var.
Ermənistanda böyük turizm potensialı var. Birincisi, Yaxın Şərq ölkələri üçün çox maraqlı olan qış turizmidir. Hazırda ölkəmizdə qış kurortları üçün bir neçə böyük investisiya layihələri həyata keçirilir.
Şərabçılıq sahəsində də böyük potensial var, ümumiyyətlə, spirtli içkilərin istehsalı və ixracı sahəsində bizim böyük potensialımız var.
Növbəti istiqamət texnologiya sektorudur. Ermənistanda informasiya texnologiyaları sahəsində kifayət qədər fəallıq var və bu, iqtisadiyyatın əsas sahələrindən biridir.
Biz istəyirik ki, iş adamı bizneslə məşğul olarkən heç bir maneə ilə üzləşməsin və islahatlar buna yönəlib”, - baş nazir qeyd edib.
