Rusiya prezidentinin mətbuat katibi Dmitri Peskov jurnalistlərə bildirib ki, martda Rusiya Federasiyasında keçiriləcək prezident seçkilərindən əvvəl Rusiya və Türkiyə liderlərinin görüşü planlaşdırılmır.
“Seçkilərdən əvvəl yox, çünki Rusiya və Türkiyə prezidentlərinin iş qrafiki kifayət qədər sıx və gərgindir. Amma ən yüksək səviyyədə görüşlərə hazırlıq davam edir, onlar iki prezident üçün əlverişli olan vaxt baş tutacaq”, - deyə Peskov bildirib.
Fevralın 26-da Putin Ərdoğanı ad günü münasibətilə telefonla təbrik edib. Kreml sözçüsü bildirib ki, söhbət zamanı prezidentlər Rusiya ilə Türkiyə arasında münasibətlərin daha da hərtərəfli möhkəmlənməsinə qarşılıqlı sadiq olduqlarını təsdiqləyiblər və təmasları davam etdirmək barədə razılığa gəliblər.
