İsrailin xarici işlər naziri İsrael Katz Braziliya prezidenti Luiz İnasio Lula da Silvanı Qəzza zolağındakı müharibəni Holokostla müqayisə etdiyi üçün arzuolunmaz şəxs elan edib, İsrailin i24 telekanalı xəbər verir.
Bazar günü Braziliya rəhbəri Qəzza zolağında baş verənlərin soyqırım olduğunu bildirib və bunu Adolf Hitlerin yəhudilərə qarşı vəhşiliyi ilə müqayisə edib. İsrailin baş naziri Benyamin Netanyahu bu cür bəyanatları qırmızı xətti keçmək adlandırıb. Netanyahunun sözlərinə görə, Lula yəhudi xalqına və İsrailin özünümüdafiə hüququna zərər vurmağa çalışır.
Bundan əvvəl xarici işlər naziri Katz Lula da Silvanın bəyanatları ilə bağlı Braziliya səfiri Frederiko Mayerə irad bildirmişdi.
