Rusiya prezidenti Vladimir Putinin fevral ayına planlaşdırılan Türkiyə səfəri Rusiyada keçiriləcək prezident seçkiləri ilə əlaqədar təxirə salınacaq. Görüşün yazın ikinci yarısına qədər təxirə salınması planlaşdırılır. Bu barədə RİA Novosti Ankaradakı diplomatik mənbəyə istinadən məlumat yayıb.
Eyni zamanda, Rusiya prezidentinin mətbuat katibi Dmitri Peskov bildirib ki, səfərin dəqiq tarixi hələ müəyyən edilməyib. Onun sözlərinə görə, səfərə hazırlıq davam edir.
"Tarixlər razılaşdırılan kimi, həm seçki dövrümüz, həm də Türkiyə prezidentinin iş qrafiki nəzərə alınaraq, tərəfdaşlarımızla birlikdə bunu açıqlayacağıq", - Peskov jurnalistlərə deyib.
