Fevralın 6-da ER Müdafiə Nazirliyinin inzibati kompleksində Ermənistan və Litvanın Müdafiə Nazirlikləri arasında ikitərəfli müdafiə məsləhətləşmələri keçirilib. Bu barədə Ermənistan Müdafiə Nazirliyi məlumat yayıb.
Müdafiə Nazirliyinin Müdafiə Siyasəti və Beynəlxalq Əməkdaşlıq İdarəsinin rəisi Levon Ayvazyan Litvanın Milli Müdafiə Nazirliyinin Beynəlxalq Əlaqələr və Əməliyyat Qrupunun rəhbəri Algirdas Norkusa təhlükəsizlik mühiti və müdafiə sektorunda həyata keçirilən islahatlarla bağlı məsələləri təqdim edib.
Ermənistan və Litva arasında müdafiə sahəsində əməkdaşlığın hazırkı kursu və perspektivləri müzakirə edilib, bir sıra razılaşmalar əldə olunub.
Məsləhətləşmələrin sonunda Ermənistan Respublikası və Litvanın Milli Müdafiə Nazirlikləri arasında 2024-cü il üçün əməkdaşlıq planı imzalanıb.
