Qranadadan bəri həmişə liderlərin yeni görüşlərinin təşkili ilə bağlı fikirlər və təkliflər olub, müxtəlif tərəflər təşəbbüs göstəriblər. Bu barədə ER xarici işlər naziri Ararat Mirzoyan 2023-cü ilin yekun mətbuat konfransında Ermənistan və Azərbaycan liderlərinin gözlənilən mümkün görüşü məsələsinə toxunaraq bildirib.
“Düşünürəm ki, bu gün görüşün təşkili üçün hələ də bu səylər var. Hələ heç bir razılıq yoxdur. Hazırda iki ölkə liderləri arasında görüş, eləcə də xarici işlər nazirləri arasında görüş barədə razılıq yoxdur”, - deyə Mirzoyan bildirib.
