Qazaxıstan "Taliban" hərəkatını qadağan olunmuş təşkilatlar siyahısından çıxarıb, Qazaxıstan Respublikası Xarici İşlər Nazirliyinin rəsmi nümayəndəsi Aybek Smadiyarov bildirib.
“Qazaxıstan respublikada qadağan olunmuş terror təşkilatlarının milli siyahısını yeniləmək üçün mütəmadi olaraq yoxlayır. Bu prosesin bir hissəsi olaraq Birləşmiş Millətlər Təşkilatının praktikasına əməl olunması və “Taliban” hərəkatının siyahıdan çıxarılması qərara alınıb. BMT Təhlükəsizlik Şurasının icrası məcburi olan qətnamələrinə əsasən, “Taliban” hərəkatı BMT Təhlükəsizlik Şurası tərəfindən terrorçu kimi tanınan təşkilatlar siyahısına daxil edilməyib”, - Smadiyarov bildirib.
Siyasi təmaslara gəlincə, o vurğulayıb ki, “Qazaxıstan Təhlükəsizlik Şurası və BMT Baş Assambleyasının qəbul etdiyi qərar və qətnamələrə bundan sonra da ciddi əməl edəcək”.
