İran və Misir dialoq və təmaslar vasitəsilə konstruktiv münasibətlər qurmağa doğru irəliləyir. Bu barədə İran Xarici İşlər Nazirliyinin sözçüsü Nasir Kənani məlumat verib.
“İki ölkə münasibətlərin yeni səhifəsinə başlamaq yolundadır. Bu, təkcə iki ölkə üçün deyil, bütün region və İslam dünyası üçün faydalıdır”, - deyə Kənani bildirib.
Dekabrın 23-də İran prezidenti İbrahim Rəisi ilə Misir prezidenti Əbdülfəttah əs-Sisi arasında telefon danışığı olub. Tərəflər iki ölkə arasındakı münasibətləri, eləcə də Qəzza zolağındakı vəziyyəti müzakirə ediblər.
Qeyd edək ki, İran və Misir 1979-cu il İslam İnqilabından sonra diplomatik əlaqələri kəsib.
