Rəsmi Yerevan sülh müqaviləsi layihəsi ilə bağlı Bakının yeni təkliflərini alıb. Bu barədə ER XİN-in mətbuat katibi Ani Badalyan 1Lurer.am-a bildirib.
Azərbaycanın xarici işlər naziri Ceyhun Bayramov bir müddət əvvəl bəyan edib ki, Bakı sülh müqaviləsi təkliflərinə cavabı Yerevana göndərib.
“Biz inanırıq ki, görüşlər 2024-cü ildə baş tutacaq. Biz bu məsələyə real və nikbin yanaşırıq. Sülh müqaviləsindən danışarkən başa düşmək lazımdır ki, bu, bütün problemlərin 100 faiz həlli demək deyil”, - deyə Bayramov bildirmişdi.
