Brüsseldə Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Cozep Borrellin sədrliyi ilə Aİ Xarici İşlər Nazirləri Şurasının sessiyası işə başlayıb.
Sessiya başlamazdan əvvəl Borrell qeyd edib ki, Aİ Şərq Tərəfdaşlığı ölkələrinin xarici işlər nazirlərinin konfransından əvvəl onun ilk görüşü Ermənistan xarici işlər naziri ilə olacaq.
Onun sözlərinə görə, son görüşdən sonra regionda, o cümlədən Cənubi Qafqazda bir çox proseslər baş verib: “Bu proseslərə və xüsusən də çətin vəziyyətdə qalmaqda davam edən Ermənistana diqqət yetirmək vacibdir. Onun bizim güclü dəstəyimizə ehtiyacı var. İştirakımızı necə artıra biləcəyimizi və davam etdirə biləcəyimizi görməliyik, çünki söhbət şərq sərhədimizdən gedir”, - o bildirib.
