Bakıda Azərbaycanın müdafiə naziri Zakir Həsənov, Türkiyənin milli müdafiə naziri Yaşar Gülər və Gürcüstanın müdafiə naziri Cuanşer Burçuladze arasında üçtərəfli görüş keçirilir.
Üçtərəfli görüşdən əvvəl Azərbaycan və Gürcüstan, Azərbaycan və Türkiyə, Gürcüstan və Türkiyə müdafiə nazirləri arasında ikitərəfli danışıqlar aparılıb.
Üçtərəfli görüş zamanı üç dövlətin müdafiə nazirləri regional təhlükəsizlik məsələlərini, müdafiə sahəsində əməkdaşlığın istiqamətlərini və gələcək üçün planları müzakirə ediblər.
Onlar sonuncu dəfə bu ilin fevralında Qarsda görüşüblər və bu görüş zamanı birgə hərbi təlimlərin vacibliyini müzakirə ediblər.
