KTMT-nin Birləşmiş Qərargah rəisi, general-polkovnik Anatoli Sidorov brifinq zamanı Cənubi Qafqazdakı vəziyyət barədə danışıb.
“Qafqaz regionuna gəlincə, hələ ötən il vəsaitlər təklif olunub. KTMT-nin nümayəndə heyəti və katibliyinin Ermənistanda işindən sonra xarici işlər nazirləri, müdafiə nazirləri, Təhlükəsizlik Şurasının katibləri üçün hesabat, dövlət başçılarına məruzə olub və bütün nəticələrə əsaslanaraq, qiymətləndirmələr aparılmış, müəyyən tədbirlər təklif edilmiş, sənədlərin layihələri hazırlanmışdır.
Bir sıra səbəblərə görə müzakirələr bu günə qədər davam edir. Dövlət başçılarının hansı qərarı verəcəyini təxmin edə bilmərəm. Amma düşünürəm ki, onlar Qafqazda, həm Ermənistanda, həm də qonşu dövlətlərdə vəziyyətin sabitləşməsi üçün bütün tədbirləri görəcəklər”.
