Aİ-nin xarici əlaqələr və təhlükəsizlik məsələləri üzrə ali nümayəndəsi bildirib ki, noyabrın 13-də Aİ-nin xarici işlər nazirləri beynəlxalq gündəlikdəki məsələlər arasında Ermənistan və Azərbaycan münasibətlərini müzakirə ediblər. Cozep Borelin fikrincə, Ermənistanı həm daxildən, həm də xaricdən sabitliyi pozmaq cəhdlərindən qorumaq lazımdır.
“Biz ilk növbədə Ermənistanda mülki missiyamızı gücləndirəcəyik. Ermənistanla Azərbaycan arasında danışıqlar bərpa olunmalı, sülh müqaviləsi imzalanmalıdır. Biz Şarl Mişel tərəfindən başlatılan vasitəçilik səylərini davam etdirməyə sadiqik”, - Borel açıqlamasında bildirib.
Qeyd olunur ki, İttifaq Ermənistanın ərazi bütövlüyünün hər hansı pozulmasının Aİ-Bakı münasibətləri üçün ciddi nəticələr verəcəyi ilə bağlı Azərbaycana açıq mesaj verib.
