İsraildə İsrail ordusunun Qəzza zolağındakı hərəkətlərini tənqid etmək qadağandır, Euronews yazır.
Hücumları tənqid edən israillilər, o cümlədən universitet professorları, jurnalistlər və siyasətçilər öz çıxışlarına görə təqiblərlə üzləşirlər.
İsrail ərəbləri deyirlər ki, onlar “Facebook”da Fələstin tərəfdarı mesajlar paylaşmaq ittihamı da daxil olmaqla, müharibə əleyhinə çıxış etdikləri üçün həbs olunmaqdan qorxurlar. Onlara Qəzzada öldürülən fələstinli uşaqlar üçün ağlamağa belə icazə verilmir.
İsrail hökumətinin nümayəndəsi “Euronews”a bildirib ki, ölkə təxribat hadisələrini izləyir və onların hər birini araşdırır.
Ötən ilin fevralında milli təhlükəsizlik naziri İtamar Ben-Qvir İsrail dövlətinə qarşı nifrət doğuran bəyanatlara nəzarət etmək üçün işçi qrup yaratmışdı.
Və son həftələrdə ölkənin məhkəmə sistemi qanunu pozmaqda ittiham olunanların həbsini qüvvədə saxlayıb. Hakimlərin fikrincə, ölkənin “müharibə vəziyyətində” olduğunu nəzərə alsaq, bu, zəruridir.
