Oktyabrın 23-də Ermənistan Respublikası xarici işlər nazirinin müavini Mnatsakan Safaryan İran İslam Respublikasının xarici işlər nazirinin müavini Mehdi Səfəri ilə görüşüb.
İran xarici işlər nazirinin müavini İranın yol və şəhərsalma naziri Mehrdad Bəzrpaşın başçılıq etdiyi nümayəndə heyəti Şimal-Cənub avtomobil yolunun Aqarak-Kacaran hissəsinin tikintisinə dair müqavilənin imzalanması mərasimində iştirak etmək üçün Ermənistana səfər edib.
Görüş zamanı Ermənistanla İran arasında ikitərəfli iqtisadi gündəmə, eləcə də regional əməkdaşlıqla bağlı məsələlər müzakirə olunub. Tərəflər birgə iqtisadi proqramların icrasından məmnunluqlarını ifadə ediblər.
