Yerevan sülh sazişi ilə bağlı Bakıdan növbəti təkliflər paketini alıb.
Bunu Ermənistan xarici işlər nazirinin müavini Vahan Kostanyan brifinq zamanı bildirib.
Nazir müavinin sözlərinə görə, Ermənistan tərəfinin yazılı cavabı göndərilməyib, müzakirələr davam edir.
Kostanyan həmçinin qeyd edib ki, hökumət Tehranda Ermənistan və Azərbaycan xarici işlər nazirləri səviyyəsində “3+3” formatında görüşün mümkünlüyünü nəzərdən keçirir.
“Ermənistan İrandan dəvət alıb və hazırda bu məsələni iranlı həmkarları ilə müzakirə edir. Nazirlər səviyyəsində dəvət daxil olub və Ermənistan, Azərbaycan, Gürcüstanın xarici işlər nazirliklərinə göndərilib”.
