İranın müdafiə naziri və silahlı qüvvələr generalı Məhəmmədrza Aştiani sabah Tacikistana rəsmi səfər edəcək.
Bu barədə “Tasnim” agentliyi məlumat yayıb.
“Çərşənbə axşamı günü İranın Müdafiə və Silahlı Qüvvələr naziri Əmir Məhəmmədrza Aştiani yüksək rütbəli nümayəndə heyətinin başçılığı ilə Tacikistana yola düşəcək”, - agentlik bildirib.
Səfər zamanı tərəflərin təhlükəsizlik və müdafiə sahəsində əməkdaşlıq məsələlərini müzakirə edəcəyi gözlənilir.
Danışıqlar nəticəsində müdafiə sektorunda müqavilələrin bağlanması gözlənilir.
