Oktyabrın 12-də ER xarici işlər naziri Ararat Mirzoyan Aİ-nin Cənubi Qafqaz və Gürcüstan böhranı üzrə xüsusi nümayəndəsi Toivo Klaarı qəbul edib. Bu barədə ER Xarici İşlər Nazirliyi məlumat yayıb.
Görüşdə Ermənistan və Azərbaycan arasında münasibətlərin normallaşması prosesi ilə bağlı məsələlər müzakirə olunub. Ararat Mirzoyan ER-nin suverenliyinə və ərazi bütövlüyünə qarşı hər hansı qəsd, güc və güc tətbiqi ilə hədələmə hallarının istisna edilməsinin vacibliyini, habelə oktyabrın 5-də Qranadada keçirilən dördtərəfli görüşdə qəbul edilmiş bəyanatın əsas mesajlarına uyğun olaraq danışıqlar prosesinin davam etdirilməsinin vacibliyini vurğulayıb.
Həmsöhbətlər Dağlıq Qarabağın 100 mindən çox əhalisinin məcburi köçkünlüyünə, Dağlıq Qarabağın faktiki etnik təmizləməsi nəticəsində yaranmış vəziyyətə, Dağlıq Qarabağ ermənilərinin hüquqlarının həllinin vacibliyinə və mövcud humanitar problemlərə toxunublar.
