ABŞ Konqresinin 75 üzvü prezident Co Baydeni Azərbaycana qarşı sanksiyalar tətbiq etməyə, Bakıya hərbi yardımı dayandırmağa, Dağlıq Qarabağdan məcburi köçmüş əhaliyə humanitar yardım göstərməyə və Laçın dəhlizində beynəlxalq müşahidəçilər yerləşdirməyə çağırıb.
Konqres üzvlərinin ABŞ prezidenti Co Baydenə ünvanladığı məktubun təşəbbüskarları Nümayəndələr Palatasının keçmiş spikeri Nensi Pelosi və konqresmen Anna Eşudur.
İkipartiyalı təşəbbüsün müəllifləri Dağlıq Qarabağa “əsassız hərbi hücumu” və “doqquz aylıq qəddar mühasirəni” pisləyiblər və qeyd ediblər ki, bunun nəticəsində yerli erməni əhalisi yalnız qaçmaq məcburiyyətində qalmışdır.
