İran Xarici İşlər Nazirliyinin sözçüsü Naser Kənani həftəlik brifinqdə regional vəziyyətlə bağlı danışıb. Onun sözlərinə görə, İran Cənubi Qafqaz problemlərinin regional “3+3” formatında həllinə dəstək verməyə hazırdır.
“Biz Ermənistanla Azərbaycan arasında ziddiyyətlərin aradan qaldırılmasını alqışlayırıq və regionda beynəlxalq sərhədlərin dəyişdirilməsinin qarşıyıq. Əminik ki, problemlərin həlli siyasi dialoq, regional imkanlardan istifadə və xarici müdaxilədən yayınma yolu ilə olmalıdır”, - deyə Kənani bildirib.
