İran parlamentinin Milli Təhlükəsizlik və Xarici Siyasət Komitəsinin iclası zamanı Cənubi Qafqazda baş verən son hadisələr müzakirə olunub. Bu barədə komitənin spikeri Əbülfəzl Amoui bildirib.
“İran Silahlı Qüvvələri Baş Qərargahının beynəlxalq əməkdaşlıq üzrə müavini Əmir Əhədi azərbaycanlı və erməni həmkarları ilə çoxlu təmaslar barədə hesabat təqdim edib və vurğulayıb ki, İran Qafqazın təhlükəsizlik mühitində baş verənləri yaxından izləyir və müdafiə diplomatiyasını gücləndirməklə öz milli təhlükəsizliyini təmin edir”,- ISNA xəbər agentliyi yayıb.
Onun sözlərinə görə, iştirakçılar qeyd ediblər ki, regionun geosiyasi sərhədləri heç bir halda dəyişdirilə bilməz.
