Sentyabrın 11-də Argentinanın Azərbaycandakı səfiri Marianxeles Belluşi Xarici İşlər Nazirliyinə (XİN) çağırılıb.
Görüş zamanı, Argentina Prezidenti Alberto Fernandesin 10 sentyabr 2023-cü il tarixində Nyu Delhi şəhərində G20 Sammiti zamanı səsləndirdiyi fikirlərə görə XİN-in etiraz notası Argentina səfirinə təqdim edilib.
Xatırladaq ki, Argentina prezidenti G20 Sammitində çıxışında Dağlıq Qarabağın Azərbaycan tərəfindən blokadaya alınmasına toxunaraq qeyd edib ki, Laçın dəhlizinin bağlanmasının məqsədi erməni xalqını öz beşiyində cəzalandırmaqdır.
