ABŞ dövlət katibinin Avropa və Avrasiya məsələləri üzrə köməkçisi vəzifəsini icra edən Yuri Kim Azərbaycanın XİN başçısı Ceyhun bayramovla da telefon danışığı aparıb və Dağlıq Qarabağ böhranının həllini müzakirə edib.
“Mən Azərbaycanın xarici işlər naziri Ceyhun Bayramovla Dağlıq Qarabağa humanitar yardımın çatdırılması üçün Laçının və digər marşrutların dərhal və eyni vaxtda açılması istiqamətində irəliləyişlə bağlı konstruktiv söhbət apardım. Yolların açılması və birbaşa danışıqlar həll olunmamış problemlərin həlli üçün açardır. Mən üç tələbənin azad edilməsini də alqışladım”, - Dövlət Departamentinin rəsmisi yazıb.
