Strasburq meri Janna Barseğyan Syunik bölgəsində keçirdiyi mətbuat konfransında Strasburqun Dağlıq Qarabağa humanitar yüklərin göndərilməsi təşəbbüsündə iştirak etməyə vadar edən iki səbəbi qeyd edib.
“Birincisi, təcili hərəkətə keçməkdir. Dağlıq Qarabağ xarici işlər naziri bildirib ki, iki günlük un qalıb və vəziyyətin günü-gündən daha da təcili olacağı göz qabağındadır.
İkinci səbəb Strasburqun Avropanın paytaxtı olmasıdır. Strasburqda Avropa Şurası və Avropa İnsan Hüquqları Məhkəməsi yerləşir. Biz mesajımızı Fransa prezidentinə, həm də digər Avropa qurumlarına, o cümlədən Avropa Şurasına göndəririk.
Çıxışımı bununla bitirirəm ki, 1915-ci il Soyqırımından sağ çıxanların nəvəsi və nəticəsi kimi bu gün də insanların ləyaqətlə yaşamaq və sadəcə var olmaq hüquqlarının tapdalanması mənim üçün sadəcə olaraq qəbuledilməzdir”, - deyə o qeyd edib.
