Dağlıq Qarabağ KTMT-nin məsuliyyət zonasına daxil deyil, eyni zamanda, təşkilatın müşahidə missiyasının Ermənistanda yerləşdirilməsi Ermənistan-Azərbaycan sərhədində vəziyyətin sabitləşməsinə mühüm töhfə verərdi. Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova brifinq zamanı bildirib.
"Top Ermənistanın meydanındadır", - deyə Rusiya Xarici İşlər Nazirliyinin sözçüsü əlavə edib.
Zaxarova Ermənistan, Rusiya və Azərbaycan xarici işlər nazirlərinin yaxın vaxtlarda görüşünün keçirilməsini də çox güman heaab edərək qeyd edib ki, görüşün tarixi dəqiqləşdirildikdən sonra Rusiya XİN müvafiq məlumatı təqdim edəcək.
