Fransa prezidenti Emmanuel Makron Kiyevə silah və hərbi texnika tədarükünü artırmaq qərarına gəldiyini açıqlayıb. NATO sammiti çərçivəsində keçirilən brifinqdə o, Fransanın Ukraynanı öz ərazisini qorumaq üçün uzaqmənzilli raketlərlə təchiz etməyə başlayacağını bildirib.
"Bu gün Ukraynanı dəstəkləmək, NATO birliyini göstərmək və Rusiyanın bu müharibədə qalib gəlməsinin qarşısını almaq əzmimizə dair siqnallar vermək vacibdir", - deyə Makron əlavə edib.
Rusiya prezidentinin mətbuat katibi Dmitri Peskov çıxışını şərh edib. Onun sözlərinə görə, Parisin bu qərarı yanlışdır. Moskva bu cür hərəkətlərə cavab verəcək.
