Macarıstanın baş naziri Viktor Orban hesab edir ki, Ukrayna artıq suveren dövlət deyil, sülhün əldə olunması ondan yox, ABŞ-dan asılıdır.
“Ukrayna artıq suveren dövlət deyil. Onun pulu və silahı yoxdur. O, yalnız yardımla mübarizə apara bilər. Sülhün nə vaxt gələcəyinə ABŞ qərar verir”, – Orban çərşənbə axşamı Bild qəzetinə müsahibəsində deyib.
Eyni zamanda Orban vurğulayıb ki, münaqişənin əvvəlində tam danışıqlar aparsaydılar, çoxlu qurbanlardan qaçmaq mümkün olardı.
Macarıstanın Baş naziri bildirib ki, danışıqlara qayıtmaq lazımdır, çünki bu, insanların həyatını xilas etməyin yeganə yoludur.
