İyunun 22-də daxili işlər naziri Vahe Ğazaryan İran İslam Respublikasının Ermənistandakı fövqəladə və səlahiyyətli səfiri Abbas Bədəxşan Zohurini qəbul edib.
Qonağı salamlayan nazir Vahe Ğazaryan iki dövlət arasında formalaşmış dostluq münasibətlərini yüksək qiymətləndirib, hüquq-mühafizə sahəsində ikitərəfli əməkdaşlığın əhəmiyyətini vurğulayıb.
Nazir Vahe Ğazaryan narkotik vasitələrin qanunsuz dövriyyəsi ilə mübarizəni xüsusi vurğulayıb. O, həmçinin axtarışda olan şəxslərin aşkarlanması, kibercinayətkarlıqla, iqtisadi cinayətlərlə mübarizə və digər istiqamətlərdə iki ölkənin İnterpol Milli Mərkəzi Bürolarının əməkdaşlığını xüsusi vurğulayıb.
Səfirin Ermənistandakı diplomatik missiyasının başa çatdığını qeyd edən Vahe Ğazaryan onun Ermənistan-İran əlaqələrinin möhkəmlənməsinə verdiyi şəxsi töhfəni yüksək qiymətləndirib və ona gələcək fəaliyyətində uğurlar arzulayıb.
Səmimi qəbula görə minnətdarlığını bildirən Abbas Bədəxşan Zohuri Ermənistan və İran arasında ənənəvi dostluq münasibətlərini və səmərəli əməkdaşlığı yüksək qiymətləndirib.
İki dövlətin daxili işlər nazirlikləri əməkdaşlarının təcrübə mübadiləsi və qarşılıqlı maraq doğuran digər məsələlər də müzakirə olunub.
Tərəflər ikitərəfli səmərəli əməkdaşlığı daha da gücləndirməyə hazır olduqlarını bildiriblər.
