Fransanın xarici işlər naziri parlamentdə sual-cavab zamanı bildirib ki, Fransa Azərbaycanla ədalətli sülh əldə etmək üçün Ermənistanın yanındadır.
Katrin Kolonnanın sözlərinə görə, bu məsələdə heç bir ölkə Ermənistan və Azərbaycanı Fransa qədər dəstəkləmir və bunu prezident Makronun səyləri sübut edir.
“Gərginliyin azaldılmasında Ermənistanı yerlərdə də dəstəkləyirik. Aprel ayında mən şəxsən Ermənistan və Azərbaycan liderlərinə sülh sazişinin əldə edilməsinə kömək etmək üçün Cənubi Qafqaza getdim”, - Fransanın xarici işlər naziri bildirib.
Katrin Kolonna Aİ-nin Ermənistandakı müşahidə missiyasına da toxunaraq, Fransanın missiyanın yaradılmasına böyük dəstək verdiyini və bunun da gərginliyin azalmasına töhfə verdiyini vurğulayıb.
