ABŞ dövlət katibi Entoni Blinken Çinə səfər edəcək.
Bu barədə ABŞ Dövlət Departamentinin mətbuat xidməti məlumat yayıb.
Bildirilib ki, dövlət katibi Blinken iyunun 16-21-də Pekində və Londonda səfərdə olacaq.
Qeyd olunur ki, Pekində dövlət katibi Çin Xalq Respublikasının yüksək səviyyəli rəsmiləri ilə görüşlər keçirəcək.
Bildirilir ki, Londonda dövlət katibi Ukraynanın Bərpa Konfransında iştirak edəcək. Orada olarkən o, həmçinin Böyük Britaniyadan, Ukraynadan və digər tərəfdaş və müttəfiqlərdən olan həmkarları ilə görüşəcək.
