Artsax Xarici İşlər Nazirliyi ABŞ Dövlət Departamentinin rəsmi nümayəndəsinin bəyanatına reaksiya verib.
XİN bildirib ki, ABŞ Dövlət Departamentinin rəsmi nümayəndəsinin mayın 30-da Azərbaycan prezidentinin Artsax (Dağlıq Qarabağ) xalqının sözdə “amnistiya” məsələsinə hazır olması ilə bağlı son bəyanatlarını alqışladığı bəyanatını dərin məyusluq və çaşqınlıq yaradır.
“Azərbaycan prezidentinin tamamilə açıq şantaj və ilyuziyalara əsaslanan həmin bəyanatında təşviq olunmağa layiq hər hansı müsbət elementin tapılması başa düşülməzdir. Aydındır ki, Azərbaycan prezidentinin bəyanatının əsas mesajı ondan ibarət idi ki, Azərbaycan Artsax Respublikasının demokratik yolla seçilmiş hakimiyyət orqanları ilə bərabərhüquqlu dialoqdan imtina edir və yalnız öz hakimiyyətini Artsax xalqına güc yolu ilə məcbur etmək istəyini rəhbər tutur.
Şübhə yoxdur ki, ABŞ Azərbaycan-Qarabağ münaqişəsinin ədalətli, balanslaşdırılmış və ləyaqətli həllində və regionda uzunmüddətli sülhün əldə olunmasında müsbət rol oynamaq istəyir. Lakin eyni zamanda, hesab edirik ki, Bakının dağıdıcı və döyüşkən siyasətinin təşviqi münaqişənin sülh yolu ilə həllində müsbət dəyişikliklərə nail olmaq istəyi ilə ziddiyyət təşkil edir”,-bəyanatda deyilir.
