Yerevan və Ankara mövqelərin yaxınlaşması istiqamətində çalışırlar, lakin bu işlərin başa çatdırılması üçün dəqiq müddətlər yoxdur, üçüncü ölkə vətəndaşları üçün sərhədlərin açılması ilə bağlı dəqiq razılaşmalar yoxdur. Bunu Rusiyanın Türkiyədəki səfiri Aleksey Yerxov “Valday” klubunda deyib.
“Proses gedir, müsbətdir. Ümid edək ki, bu, düzgün və lazımi istiqamətdə inkişaf edəcək”, - deyə diplomat bildirib.
Yerxovun sözlərinə görə, Türkiyə ilə Ermənistan arasında münasibətləri “zəlzələ diplomatiyası” gücləndirib. Türkiyədə Ermənistanın Türkiyəyə etdiyi humanitar yardımı belə adlandırırlar.
