Azərbaycan prezidentinin dünənki bəyanatları başa düşülən deyil. Bu barədə Nikol Pşainyan bildirdi.
Baş nazir qeyd edib ki, həm Azərbaycan, həm də beynəlxalq tərəfdaşlar bunun Brüsseldə əldə olunmuş razılaşmaların rədd edilməsi anlamına gəlib-gəlmədiyini aydınlaşdırmalıdırlar.
“Hesab edirəm ki, bu suala həmkarlarımızdan cavab almalıyıq. Kişinyovda beştərəfli görüş planlaşdırılır, sülh sazişinin imzalanmasının mümkün olub-olmaması ilə bağlı müzakirələr aparılıb. Deyə bilərəm ki, çatdırdığımız təkliflərlə bağlı Azərbaycanın şərhini hələ almamışıq. Hazırda imzalana biləcək razılaşdırılmış layihə yoxdur”,- o vurğuladı.
