Rusiya prezidentinin mətbuat katibi Dmitri Peskov Ermənistanın baş naziri Nikol Paşinyanın ölkənin Kollektiv Təhlükəsizlik Müqaviləsi Təşkilatından (KTMT) çıxa biləcəyi ilə bağlı bəyanatını şərh edib. Peskov KTMT-ni nüfuzlu və effektiv təşkilat adlandırıb və qeyd edib ki, Rusiya bu məsələdə Ermənistanla dialoqu davam etdirəcək.
“Əvvəllər müxtəlif situasiyalarda öz effektivliyini nümayiş etdirmiş təşkilat, bizim nöqteyi-nəzərimizdən gələcək inkişaf üçün ciddi potensiala malikdir. Ermənistanın baş nazirinin bəyanatına gəlincə, biz şübhəsiz ki, erməni dostlarımızla dialoqu davam etdirəcəyik, onlarla KTMT-nin fəaliyyətində gələcək birgə iştirakımız barədə də danışacağıq”, - deyə Peskov “Kommersant”a bildirib.
