ER baş naziri Nikol Paşinyan “Rusiya Federasiyası Ermənistana düşmən kimi baxır” ifadəsi ilə razılaşmır. Üstəlik, o hesab edir ki, tərəfdaşlıq münasibətlərinin dərinləşməsi və inkişafı üçün hər şey edilməlidir.
Paşinyan Rusiya Sərhəd Xidmətinin Meğri yaxınlığında tikinti aparması və Sərhəd Xidmətinin genişləndirilməsi məsələsinə də toxunub.
“Orada bütün hərəkətlər Ermənistan Respublikası hökuməti, xüsusən də Milli Təhlükəsizlik Xidməti ilə razılaşdırılaraq həyata keçirilməlidir və deyə bilərəm ki, hansı hərəkətlərin həyata keçirildiyini bir daha yoxlayacağıq. Əgər bu hərəkətlər hansısa razılaşdırılmış çərçivədən kənardırsa və hər hansı şəkildə Ermənistan Respublikasının suverenliyi və ərazi bütövlüyü ilə bağlı çağırışları ehtiva edirsə, biz bu məsələni mütləq müzakirə edəcəyik”, - Paşinyan bildirib.
