Türkiyə prezident seçkilərinin 28 mayda keçiriləcək ikinci turuna dair təfərrüatlar açıqlanıb. Bu barədə Türkiyə Ali Seçki Şurasının sədri Ahmet Yener mətbuat konfransı zamanı danışıb.
O qeyd edib ki, Türkiyə tarixində seçkilərin ikinci turu ilk dəfə keçirilir və bəzi qaydalar müəyyən edilib.
Yenerin sözlərincə, ölkə xaricində yaşayan vətəndaşlar üçün səsvermə prosesi 20 mayda başlayacaq və 24 may 2023-cü il tarixində başa çatacaq.
27 may saat 18:00-da seçki təbliğatı dövrü başa çatacaq. Səsvermə prosesi ilk turda olduğu kimi, yerli vaxtla saat 08:00-da başlayıb 17:00-da bitəcək.
