ER təhsil, elm, mədəniyyət və idman naziri Janna Andreasyan Hindistan Respublikasının ER-ə yeni təyin olunmuş səfiri Nilakşi Saha Sinhaini qəbul edib.
Nazir səfiri təyinatı münasibətilə təbrik edib və ona Ermənistan-Hindistan dostluq münasibətlərinin inkişafı naminə səmərəli fəaliyyət arzulayıb.
“Bizim çox yaxşı əməkdaşlıq təcrübəmiz var. Əminəm ki, Sizin təyinatınızla bu əməkdaşlıq bütün istiqamətlərdə dərinləşəcək, bu, həqiqətən də çox vacibdir. Biz şadıq ki, universitetlərimizdə 2800-dən çox Hindistan vətəndaşı təhsil alır. Düşünürəm ki, bu rəqəm xeyli arta bilər. Biz universitetlərarası əməkdaşlığını inkişaf etdirməkdən məmnun qalacağıq”, - Janna Andreasyan bildirib.
Hindistan Respublikasının Ermənistandakı fövqəladə və səlahiyyətli səfiri Nilakşi Saha Sinhai qəbula görə təşəkkür edib və Ermənistanla əlaqələrin dərinləşdirilməsi və inkişaf etdirilməsi perspektivlərinə əhəmiyyət verib.
Görüş zamanı tərəflər qarşılıqlı maraq doğuran digər məsələləri də müzakirə ediblər.
